آنه و صديقي سافرت ، رحنه الشمال اوطانهم
شفنا هابس خير و فرح ، و احنه الگحط باوطانه
عدهم فواکه کل شکل ، کلشي و كلا شي اشجارهم
و احنه حبابوك و نبگ ، و الخروع احلي اشجارنه
عدهم عماير عاليه و اشحلوه ذيچ اديارهم
و احنه الصرايف من گصب ، تلعب الروح اديارنه
الماي اصفي من الذهب ، و عيون تجري بمايهم
کارون صاير مزبله و ريحة مجاري بماينه
اطفالهم بالمنتزه ، و اشحلو لعب اطفالهم
و احنه اللي مامش منتزه بالعجد لعب اطفالنه
يحچون کلهم گيلکي و ماکو خلط بلسانهم
و احنه حويج و خربزه و مشبوش بحچاياتنه
اصخولهم ترتع ورد، فوگ اليبال اصخولهم
و غنيمنه تاکل تبن ، عاگول اچل ايمالنه
حتي چلبهم منتشع ، يعجبني طبع اچلابهم
و احنه چلبنه من التعب ، نايم ابعتبة بابنه
نسوانهم بيض و حمر و مدللات ابيالهم
مليانه من ضيم و قهر مگروده يا نسوانه
عدهم رواتب عاليه ، و متوظفين اولادهم
و احنه البطاله و الکسل و ادمان سهم اولادنه
تمطر هناک ابرهدنه ، و تختلف حتي غيومهم
واحنه سمانه بيه حصو ، مايعول ايبخ گاعنه
عدهم مزارع و اسعه و عايش بعز فلاحم
تبچي علي حاله و کل وکت ماکول حگ فلاحنه
عدهم من انواع السمچ و شگد لذيذه اسماکهم
گطانه فر و ملخ من نشفوا نهرانه
ايخبزون بانواع الخبز بربري و سنگک عيشهم
واحنه فطير و محترج ما تنعلس خبزاتنه
ماشفنه دحره و لاعرک متفاهمين ارجالهم
واحنه المشاگف و الچتل و العطوه عند ارجالنه
بس چايهم چاي الوطن
ما تشفي طبخة چايهم
مهيل و يشفي الگلب
کل وکته خادر چاينه
قصيده من کلمات الاديب،الدکتور "موسي جرفي"
برچسب : نویسنده : ckhorramshahrihab بازدید : 183